兩公婆月入4萬買樓壓力大 港女老婆想坤老爺奶奶賣樓貼錢

大台劇《樓奴》已經播完,不過香港地日日上演真人版《樓奴》,好多夫妻為層樓奔走人生,搞到唔少人都選擇租樓唔買。

不過今日就有女網友因為買樓問題同老公出現分歧,佢仲想叫老公父母賣咗層樓幫補一下!唔知大家又點睇呢?

年約三十歲的樓主同另一半月薪加埋大約4萬幾,目前有60萬積蓄,老公最近想買樓,不過樓主就覺得買樓好傻,佢亦好擔心自己嘅供款能力:「供20年壓力爆燈,每月還貸款都俾死人。」

稍後樓主透露另一半父母有一個市值400萬的單位,所以佢竟然想叫兩老賣樓,等樓主兩公婆可以買層舒服啲嘅樓,十年後再養埋父母!

老公當然好反對,而且奶奶本身唔太鍾意樓主,樓主仲問大家呢個提議係咪好唔理智?

原本唔少網友都贊成樓主「租樓唔賣」嘅決定,不過大家一見到樓主想慫恿男家賣樓津貼之後,即時轉軑插爆,指佢「自己唔想做樓奴,但係又想要人哋層樓」、又話佢唔應該打老人家主意。

雖然樓主最後強調自己無意霸佔男家層樓,只係因為自己雙親已經去世,所以想日後同老爺奶奶一齊住照顧兩老……唉,今次真係講多錯多。

今日有女網友因為買樓問題同老公出現分歧,佢指自己唔想做樓奴因為會壓力爆燈。(網上圖片)

年約三十歲的樓主同另一半月薪加埋大約4萬幾,目前有60萬積蓄,老公最近想買樓,不過樓主就覺得買樓好傻。(網上圖片)

之後樓主透露另一半父母有一個市值400萬的單位,所以佢想叫兩老賣樓,等樓主兩公婆可以買層舒服啲嘅樓,十年後再養埋父母!(網上圖片)

唔少人一開始好支持樓主嘅租樓決定。(網上圖片)

網友發現樓主想叫老爺奶奶賣樓之後,即時插爆佢唔應該打老人家主意。(網上圖片)

最後樓主再po文解釋自己無意霸佔男家層樓,仍未能平息網友火氣。(網上圖片)